താമരശ്ശേരി ഗവൺമെന്റ് ഹയർ സെക്കൻണ്ടറി സ്കൂളിൽ; ഫോട്ടോ ഫിനിഷ് പദ്ധതിക്ക് തുടക്കമായി.
താമരശ്ശേരി: താമരശ്ശേരി ഗവൺമെൻറ് ഹയർ സെക്കൻഡറി സ്കൂളിൽ ജില്ലാ പഞ്ചായത്തിൻറെ പഠന പിന്തുണാ പരിപാടിയായ ഫോട്ടോ ഫിനിഷിന് തുടക്കമായി. ജില്ലാ പഞ്ചായത്ത് മെമ്പർ റംസീന നരിക്കുനി ഉദ്ഘാടനം ചെയ്തു.പി. ടി. എ പ്രസിഡൻ്റ് വിനോദൻ എം അധ്യക്ഷത വഹിച്ചു . ഹയർ സെക്കൻഡറി പ്രിൻസിപ്പാൾ മഞ്ജുള യു.ബി പദ്ധതി വിശദീകരിച്ചു . പിടിഎ വൈസ് പ്രസിഡൻ്റ് അഷ്റഫ് കോരങ്ങാട്, ജോസ് കുട്ടി, സുബീഷ് എന്നിവർ സംസാരിച്ചു. പ്രശസ്ത മോട്ടിവേഷൻ ട്രെയിനർ ലത്തീഫ് കരുവാറ്റ ക്ലാസ് നയിച്ചു. ഫോട്ടോ ഫിനിഷ് കൺവീനർ എ കെ അബ്ദുൽ അസീസ് സ്വാഗതവും സ്റ്റാഫ് സെക്രട്ടറി ഷീന പി പി നന്ദിയും പറഞ്ഞു. പ്ലസ് വൺ, പ്ലസ് ടൂ വിദ്യാർത്ഥികൾക്ക് പരീക്ഷകളെ ആത്മവിശ്വാസത്തോടെ നേരിടാൻ ജില്ലാ പഞ്ചായത്തിൻറെ സാമ്പത്തിക സഹായത്തോടെ നൽകുന്ന പഠനപിന്തുണാ പരിപാടിയാണ് ഫോട്ടോ ഫിനിഷ്. പദ്ധതിയുടെ ഭാഗമായി മോട്ടിവേഷൻ ക്ലാസുകൾ, റെമഡിയൽ സപ്പോർട്ട്, എക്സ്പേർട്ട് ക്ലാസ്സുകൾ, സബ്ജക്ട് ക്ലിനിക്കുകൾ, പ്രീ മോഡൽ പരീക്ഷകൾ തുടങ്ങിഒ ട്ടേറെ പഠന പിന്തുണാ പരിപാടികളാണ് മികച്ച വിജയം ലക്ഷ്യമാക്കി നടത്തുന്നത്.
